#Кыскача яңалыклар 03 октября 2022, 13:16

Өлкән яшьтәге гражданнарның хокукларын яклау мәсьәләләре буенча кайнар линия булачак

03 октября 2022, 13:16

«Мәрхәмәт-Милосердие» депутат берләшмәсе әгъзалары өлкән яшьтәге гражданнарның хокукларын яклау мәсьәләләре буенча кайнар линия оештыра Чәршәмбе, 5 октябрьдә сәгать унда республикада өлкән яшьтәге гражданнарның хокукларын яклау мәсьәләләре буенча кайнар линия эшли башлаячак.

Скопировать ссылку

«Мәрхәмәт-Милосердие» депутат берләшмәсе әгъзалары, профильле министрлыклар һәм ведомстволар вәкилләре, Татарстан Республикасында Кеше хокуклары буенча вәкаләтле вәкил татарстанлыларның мөрәҗәгатенә җавап бирәчәк.

"Хатын-кыз игътибары" кайнар линиясе Өлкәннәр декадасына уза, аның төп максаты – өлкән яшьтәге кешеләр проблемаларына җәмәгатьчелекнең игътибарын җәлеп итү, аларга ярдәм күрсәтү. Октябрь аенда республикада шулай ук Халыкара өлкәннәр көненә багышланган чаралар, шул исәптән, өлкән кешеләргә матди, социаль-көнкүреш, психологик һәм башка ярдәм күрсәтү буенча хәйрия чаралары һәм акцияләр үткәреләчәк.
Кайнар линия телефоннары: 8(843) 236-00-71, 7(939)345-37-50 (WhatsApp сораулары өчен).
Шалтыратулар һәм хәбәрләр 10 сәгатьтән 15 сәгатькә кадәр кабул ителә.

Кызыклы яңалыкларны күзәтеп бару өчен Телеграм-каналга кушылыгыз.