#Кыскача яңалыклар 09 декабря 2018, 10:57

Онколог: "45 яшьтән соң һәркем колоноскопия һәм елга бер гастроскопия узарга тиеш"

09 декабря 2018, 10:57

45 яшьтән соң һәркем колоноскопия һәм елга бер гастроскопия узарга тиеш. Бу хакта “Татар-информ” агентлыгында узган матбугат конференциясендә Республика клиник онкологик диспансерның эндоскопия бүлеге мөдире, Казан дәүләт медицина академиясенең эндоскопия кафедрасы доценты Алексей Иванов хәбәр итте.

Скопировать ссылку

Онколог: "45 яшьтән соң һәркем колоноскопия һәм елга бер гастроскопия узарга тиеш"

Гастроскопия – үңәч, ашказанының лайлалы тышчаларын махсус эндоскоп ярдәмендә тикшерү. Колоноскопия – юан эчәклекне эчке яктан тикшерүнең эндоскопик ысулы.

Алексей Иванов әйтүенчә, юан эчәклектә яман шеш нәселдән килә. Ашказаны яман шеше белән дә шундый ук хәл.
-Бүген, яман шештән интегүченең туганында авыру килеп чыгу куркынычын ачыклау өчен, зур фәнни-тикшеренү институтларында генетик анализ бирү мөмкинлеге бар. Гомумән, 45 яшьтән соң һәркем үзенә колоноскопия бүләк итәргә һәм елга бер гастроскопия узарга тиеш, хәтта бернинди симптомнар булмаса да, - диде онколог.

Алексей Иванов диспансеризациядә яшерен канга тизәк анализының әһәмиятен дә билгеләп узды.
-Бүген барлык лабораторияләр дә мондый тестлар белән тәэмин ителгән дияргә була. Моңа онкологларның чаң сугуы нәтиҗәсендә ирешелде. Бу тестлар - ашкайнату-эчәклек трактында яман шешне башлангыч стадиядә ачыкларга мөмкинлек бирүче бердәнбер алым, - диде онколог.

Чыганак: “Татар информ”/ Гөлнар Гарифуллина

Кызыклы яңалыкларны күзәтеп бару өчен Телеграм-каналга кушылыгыз.

#яман шеш #колоноскопия #онколог