#Кыскача яңалыклар 29 мая 2017, 11:39

Пенсия яшен арттырганда пенсия күләме 30 процентка артачак

29 мая 2017, 11:39

Пенсия яшен арттыру пенсияне якынча өчтән бер тапкырга үстерү мөмкинлеген бирәчәк, дип белдергән Стратегик эшләнмәләр үзәге башлыгы, Россия Финанс министрлыгының экс-башлыгы Алексей Кудрин. Бу хакта "Известия" хәбәр итә.

Скопировать ссылку

Аның сүзләренчә, Стратегик эшләнмәләр үзәге тарафыннан Россия икътисадын үстерү стратегиясе нигезендә "без алты ел дәвамында пенсиянең бүгенге көнгә караганда 30 процентка, ягъни өчтән бер тапкырга артуын теләр идек".

Кудрин әлеге ресурсларны булдыру өчен, "реформалар, шул исәптән пенсия яшен арттыру да кирәк", дип белдергән. Бу хакта "Лента.Ру" хәбәр итә.

"2-3 ел артык эшләп, аннан югарырак пенсия алу әйбәтрәк", - дип билгеләп үткән Стратегик эшләнмәләр үзәге башлыгы. Кудрин сүзләренчә, күп кенә өлкәннәр моның белән ризалашыр иде.

^{Татар-информ}