Пенсия яшен азайталар?

Дәүләт Думасына пенсия яшен киметүгә бәйле закон проекты кертелгән, дип яза “РИА Новости”. Проектны “Справедливая Россия” тәкъдим иткән.

Партия лидеры Сергей Миронов: “Справедливая Россия” гражданнарның пенсиягә чыгу яшен элеккегечә ясарга тәкъдим итә. Ирләргә 60 яшьтән, хатын-кызларга 55 яшьтән”, дигән.

Моннан тыш “Справедливая Россия” РФ Пенсия фондын бетерергә кирәк дигән фикердә. Бу орган нәтиҗәле эшләми, дип саный фракция әгъзалары. Пенсияне исә Совет чорындагы кебек үк, бюджеттан түләргә, дигән фикердә алар.