#Кыскача яңалыклар 02 сентября 2020, 09:15

Пьеса язучыларны "Яшь талантлар" бәйгесенә чакыралар

02 сентября 2020, 09:15

Һәвәскәр театр сөючеләр өчен «Молодые таланты- Яшь талантлар» пьесалар конкурсына гаризалар кабул итү башланды.

Скопировать ссылку

Конкурс социаль мөһим проектларны тормышка ашыручы оешмаларга республика бюджетыннан субсидия бирү конкурсында җиңү яулаган иҗади проект кысаларында үткәрелә. Төп оештыручы - Татарлар федераль милли-мәдәни автономиясе.

Бәйгедә иҗат өлкәсендә тәҗрибәсе булган 35 яшькә кадәрге яшь авторлар катнаша ала. Төп шарт: пьесаның эчтәлегендә татар халкының традицияләре, көнкүреше, милли мәдәнияте чагылырга тиеш.

Конкурс 4 номинациядә үткәрелә: татар телендә балалар өчен пьеса, рус телендә балалар өчен пьеса, татар телендә пьеса һәм рус телендә пьеса.

Гаризалар 2020 елның 15 октябренә кадәр “Конкурс пьес” тамгасы белән tatrf@mail.ru почтасына кабул ителә. Тулырак мәгълүмат Татарлар федераль милли-мәдәни автономиясе сайтында fnkat.tatarstan.ru.

Фото: pixabay.com

#конкурс #бәйге #яшь авторлар