Питрәч районында мобилизацияләнгән ир-егетләрне Казанга озаттылар

Башта алар Танк училищесында булачак, аннан соң башка пунктларга озатылачак.

Район башлыгы Илһам Кашапов мобилизацияләнгән ир-егетләрнең гаиләләрен кайгыртуны район үз өстенә алачак дип вәгъдә бирде һәм егетләрнең исән-имин әйләнеп кайтуларын теләде. Егетләр белән саубуллашу район хакимияте бинасы каршында һәм спорт мәктәбе залында оештырылды. Аларга Алмаз хәзрәт Газимов белән Александр атакай Карпухин хәер-фатыйха бирде.