#Кыскача яңалыклар 29 гыйнвар 2017, 14:43

Принцесса Диана истәлегенә һәйкәл куела

29 гыйнвар 2017, 14:43

Бөекбритания тәхете варисы Уильям һәм аның ир туганы принц Гарри Лондон шәһәрендә әниләре - принцесса Дианага һәйкәл куярга җыена.

Скопировать ссылку

Бу вакыйга принцесса Диананы искә алып, аның вафатына 20 ел тулу уңаеннан планлаштырыла, дип хәбәр итә ТАСС агентлыгы король гаиләсе тараткан мәгълүматка сылтама белән.

"Безнең әни үлгәнгә егерме ел узды, нәкъ менә хәзер аңа һәйкәл куеп, аның Корольлекләргә һәм бөтен дөньяга уңай тәэсирен танытып була. Әлеге мемориал аның тормышы һәм мирасы турында уйланырга этәрер дип ышанабыз", - диелгән Диана балаларының белдерүендә.

"Принцесса Диана сыны аның уллары гозере буенча Кенсингтон сарае бакчасында урнаштырылачак", - дип билгеләп үтелә белдерүдә. Уильям һәм Гарриның инде бу эшкә акча җыю буенча махсус комиссия булдырулары да әйтелгән. Композияциянең исеме соңрак хәбәр ителәчәк.

Кызыклы яңалыкларны күзәтеп бару өчен Т елеграмга кушылыгыз.