#Кыскача яңалыклар 11 мая 2022, 14:20

Путин Донецк халык республикасы башлыгын Республика көне белән котлады

11 мая 2022, 14:20

Россия Президенты Владимир Путин Донецк халык республикасы (ДХР) башлыгы Денис Пушилинны ДХР көне белән котлады. Бу хактагы телеграмма Кремль сайтында бастырылган.

Скопировать ссылку

Президент котлауда билгеләп үткәнчә, моннан сигез ел элек ДХР халкы дәүләт бәйсезлеге файдасына үз сайлавын ясаган. Бүген, дип ассызыклады ул, Россия һәм Донбасс республикалары хакимияте ЛНР һәм ДХР гражданнары тугандаш ил белән дуслыкта гасырлар буе килгән традицияләр нигезендә ирекле һәм тыныч тормыш алып барырга законлы хокукны гамәлгә ашыру өчен көрәш алып бара.

Дәүләт башлыгы шулай ук Россия һәм ДХР уртак тырышлыгы белән барлык кыенлыкларны да җиңә алачак һәм "җиңү яулаячак", дип ышаныч белдерде. Моннан тыш, президент Пушилинга ныклы сәламәтлек һәм уңышлар, ә республика халкына батырлык, ныклык һәм ихтыяр көчен теләде.

Кызыклы яңалыкларны күзәтеп бару өчен Телеграм-каналга кушылыгыз.