#Кыскача яңалыклар 04 июня 2020, 12:04

Путин халыкка кабат мөрәҗәгать әзерли

04 июня 2020, 12:04

Россия Президенты Владимир Путин халыкка кабат мөрәҗәгать әзерли. Ул 1 июльдән соң, ягъни Конституциягә үзгәрешләр кертү буенча тавыш бирүнең нәтиҗәләре игълан ителгәннән соң булачак, дип яза РБК.

Скопировать ссылку

Әлеге басмага бу мәгълүматны җиткерүче сүзләренчә, Путин гражданнарга тавыш бирүдә катнашулары өчен рәхмәт әйтәчәк. Шулай ук хакимият органнарына яңа йөкләмәләр дә җиткереләчәк.

Мөрәҗәгатьнең нинди форматта узачагы әлегә мәгълүм түгел.

Президентның матбугат сәркәтибе Дмитрий Песков Владимир Путинның мөрәҗәгать ясавы бары аңардан гына тора, дип белдергән.

Билгеле булганча, Конституциягә үзгәрешләр кертү буенча тавыш бирүләр 1 июльгә билгеләнде. Аңа кадәр, 6 көн дәвамында Россия гражданнары урамда урнашкан мәйданнарда тавышларын бирә алачак.

Кызыклы яңалыкларны күзәтеп бару өчен Телеграм-каналга кушылыгыз.