Путин халыкка кабат яллар бирерме?

"Яблоко" партиясе рәисе Николай Рыбаков Владимир Путин исеменә мөрәҗәгать юллаган. Анда ул Россиядә 2 атналык эшләми торган көннәр кертергә сорый. Шул ук вакытта, эш бирүчеләр хезмәткәрләрнең хезмәт хакларын саклап калырга тиеш, ди Николай Рыбаков. 
Партия җитәкчесе фикеренчә , коронавирусны шулай гына җиңеп булачак. Россиянең ковидтан үлүчеләр саны буенча дөньяда өченче урынга чыгуы да Рыбаковны борчый икән. 
"Өлешләп чикләүләр генә локдаун кебек нәтиҗә бирмәячәк", - дип саный партия җитәкчесе. Ул шулай ук, кирәк булган очракта, тулысынча чикләүләрне 2 атнага гына түгел, ә тагын бер атнага озайтырга мөмкин булуын да искәртә, дип яза "ТАСС". 
Әлегә бу мөрәҗәгатькә Владимир Путин ничек җавап биргәнлеге билгеле түгел.