Путин космонавт Вагнерга Россия Герое исемен бирде

Тиешле указ хокукый мәгълүматның рәсми порталында басылып чыкты.
Документтан күренгәнчә, космонавт-сынаучы бу бүләккә "Халыкара космик станциядә (МКС) озак вакытлы космик очыш башкарганда күрсәткән батырлыгы һәм каһарманлыгы" өчен лаек булган. Моннан тыш, Иван Вагнер очучы-космонавтның мактаулы исемен алган.
Иван Вагнер 2012 елның августыннан Роскосмосның космонавт-сынаучысы булып тора. 2021 елның февралендә ул, МКС бортында булганда, төнге Санкт-Петербургның сирәк сурәтен ясаган, ә моңа кадәр соңгы җиде елда иң якты C/2020 F3 (NEOWISE) кометын фотога төшергән.