#Кыскача яңалыклар 25 ноября 2022, 09:21

Путин махсус операциядә катнашучыларның әниләре белән очраша

25 ноября 2022, 09:21

Россия Президенты Владимир Путин бүген, 25 ноябрьдә Украинада махсус хәрби операциядә катнашучы хәрбиләрнең әниләре белән очрашачак.

Скопировать ссылку

Очрашу ноябрьнең соңгы якшәмбесендә билгеләп үтелә торган Әниләр көненә багышлана, дип хәбәр итә Кремльнең матбугат хезмәте.

Элегрәк Кремльдә дәүләт башлыгының хәрби хезмәткәрләрнең гаиләләре белән очрашуы әзерләнүе һәм аның бу атнада узачагы турында сөйләгәннәр иде.

Россия лидеры белән аралашырга мобилизацияләнгән гражданнарның, үз теләге белән катнашучыларның һәм контракникларның әниләрен генә түгел, ә махсус операция үткәрү зонасында хезмәт итүче яки тактик әзерлек һәм хәрби күнекмәләр узучы хәрбиләрнең әниләрен дә чакырдылар.

Шул ук көнне Путин «Ростех» дәүләт корпорациясенең 15 еллыгына багышланган тантаналы чарада катнашачак.

Чыганак - "Татар-информ"