Путин цифрлы рубль турында канунга кул куйды

Россия Президенты Владимир Путин Россия Федерациясендә цифрлы рубль кертү һәм тиешле электрон платформа булдыру турында законга кул куйды. Документ хокукый мәгълүматның рәсми интернет-порталында урнаштырылган.

Россия Федерациясе милли валютасының өстәмә формасы гамәлдәге акча формалары белән беррәттән чыгарылачак.

"Россия рубленең хәзер өч формасы булачак: акчалы, акчасыз (карта ярдәмендә ред.иск.) һәм цифрлы», — диелә документта.

Канун кайбер нигезләмәләрдән тыш, 2023 елның 1 августында үз көченә керәчәк.