Пычрак, газсыз һәм утсыз фатирдан бер сүз дә сөйләшә белми торган 7 яшьлек “маугли” баланы тапканнар

Бу хәл Башкортстанның Салават шәһәрендә була. Әлеге кала хакимияте, хатынны ата-ана хокукыннан мәхрүм итәргә ниятләп, судка мөрәҗәгать иткән. Тикшерү вакытында малайны социаль приютка урнаштырганнар, анда җиде яшькә кадәр баланың сөйләшмәве, ә бары үзенә игътибарны җәлеп итәргә омтылып, тавышлар гына чыгаруы ачыкланган, дип яза “Кызыл таң”.

Бала уйный, киенә, аш-су приборларыннан файдалана белми, куллары белән ашый.
Хокуктан мәхрүм итү турындагы дәгъвага җавап итеп, әнисе фатирны тәртипкә китергән, ә аннары ул анда косметик ремонт ясарга ниятләвен белдергән. Әмма суд хатынны ана хокукларыннан мәхрүм итеп кенә калмыйча, улын карап тоту өчен алимент түләттерергә дә карар кылган.

Фото:pixabay.com