Радий Хәбиров Сабан туйларында хәмер сатуны тыя

Аның фикеренчә, республика районнарында Сабан туе, төбәктә Соңгы кыңгырау, Яшьләр көне һәм Белем көне үткәрелгән көннәрдә ваклап сату сәүдәсендә хәмер сатуны чикләргә кирәк. «Сөенеч булганда, нигә эчәргә кирәк? Сабан туенда кешеләр эчеп исерергә тиеш түгел. Яшьләрнең исереп йөрүе – искиткеч күңелсез күренеш. Беренче тапкыр бәлки ошамас та, күңелсезләнеп йөрерләр. Аның каравы, икенче юлы барысы да әйбәт булачак», – дигән Башкортстан башлыгы.