Радий Хәбиров Татарстанда Башкортстан вәкиллеге ачылачагын әйтте

Бу хакта бүген Уфада Башкортстан хөкүмәте йортында Татарстан Республикасы һәм Башкортстан Республикасы арасында сәүдә икътисади, фөнни-техник һәм мәдәни-социаль хезмәттәшлек турында рәсми Килешүне имзалаганда Башкортстан башлыгы вазифаларын вакытлыча башкаручы Радий Хәбиров әйтте.

"Безнең республикалар эшлекле хезмәттәшлекне киңәйтә", - дип билгеләп үтте Радий Хәбиров. Ул Татарстан Президенты Рөстәм Миңнехановтан вәкиллек өчен бина булдыруда ярдәм сорады.

Башкортстанда Татарстан Республикасы көннәре бара. Бүген рәсми чараның икенче көне.  

Алсу Исмәгыйлева

Татар-информ