Ренат Еникеев вафат

Бүген, 13 мартта, 83 нче яшендә танылган композиторларның берсе Ренат Әхмәт улы Еникеев вафат булган.

Бу хакта Россия Композиторлар берлеге хәбәр итә. Бу - аны белгән, дус һәм эшләгән кешеләр өчен авыр югалту. Ренат Еникеевның иҗади эшчәнлеге Россиядә генә түгел, чит илләрдә дә югары бәяләнде.

Россия һәм Татарстан Композиторлар берлеге идарәсе рәисе Рәшит Кәлимуллин композиторның туганнары һәм якыннарының авыр кайгысын уртаклаша, дип яза Матбугат.ру

Ренат Еникеевның иҗатын югары бәяләп, 1983 елда аңа Г. Тукай исемендәге Дәүләт премиясе тапшырыла. Моннан тыш атаклы пианиначы РСФСРның атказанган сәнгать эшлеклесе, Татарстанның халык артисты исеменә лаек була.