#Кыскача яңалыклар 27 марта 2019, 08:40

Республика ифтарының көне һәм урыны билгеле булды

27 марта 2019, 08:40

Республика ифтары 25 майда булачак. Ул быел «Казан-Арена» стадионында узачак. Бу көнне намаз уку һәм авыз ачу өчен 15 мең кеше җыелачак. Әлеге уңайдан Татарстан Мөселманнары диния нәзарәте, VII республика ифтарында катнашу өчен, волонтерлар җыю турында игълан итә.

Скопировать ссылку

Республикакүләм ифтар мөфтиятнең иң зур социаль проекты булып тора. Былтыр ул беренче тапкыр ир-атлар һәм хатын-кызлар өчен аерым уздырылды һәм ике көндә Казанның Теннис академиясендә 10 меңләп мөселман кешесен бер өстәлгә җыйды. Анда күп балалы һәм аз керемле гаиләләр, физик мөмкинлекләре чиклеләр, ятимнәр, җәмәгать һәм дин эшлеклеләре, башка төбәкләрдән, шулай ук республиканың төрле районнарыннан килгән мөселманнар катнашты. Республикакүләм ифтарны оештыруга 400гә якын волонтер җәлеп ителде.
Быел исә ифтар кунакларын каршы алу, җәмәгать намазын укуны оештыру һәм ашамлыкларны өләшү өчен 16 яшь һәм аннан өлкәнрәк меңләп волонтер җәлеп итү күздә тотыла.
Хәйрия чарасы Диния нәзарәте тарафыннан, Россия Мөселман эшмәкәрләре ассоциациясе һәм «Казан-Арена» стадионы дирекциясе белән бергәлектә оештырыла.