РФ Мәдәният министрлыгы медиа-гидлар булдыруга бәйгедә сайлап алуның икенче этабы башлануын игълан итте

РФ Мәдәният министрлыгы экспозицияләр һәм күргәзмә проектлары буенча медиа-гидлар булдыруга конкурсның икенче этабы башлануын игълан итте, дип хәбәр итә ведомствоның матбугат хезмәте.

Конкурста катнашучыларга медиа-гидлар булдырырга тәкъдим итәләр, алар күргәзмәләргә килүчеләргә цифрлы технологияләр ярдәмендә объект турында мәгълүмат алырга мөмкинлек бирәчәк.

 "Проектны гамәлгә ашыру өчен "Артефакт" цифрлы платформасы файдаланылачак, ул музейларга өстәмә чынбарлык тудыручы  мультимедиа-гид булдыру мөмкинлеген бирә, ә бирегә килүчеләргә шул ук исемдәге мобиль кушымтадан экспозицияләрдә һәм мәдәният учреждениеләре биналарында бушлай файдаланырга мөмкинлек бирә", - дип аныклана хәбәрдә.

Сайлап алуның икенче этабы 2020 елның 3 августына кадәр дәвам итәчәк. Катнашу өчен гаризаны түбәндәге сылтама буенча бирергә мөмкин: https://ar.culture.ru/bid.