"Рифат Фәттахов белән конфликтка кермәс өчен нәрсә эшләргә кирәк?”

Бу хакта Рифат Фәттахов үзенең телеграм-каналында язган. Укып карыйк әле.

"Бик күпләрне борчыган (шул исәптән – мине дә) сорауга җавап бирде бит әле күптән түгел Азат Абитов.

Бер журналист : «Рифат Фәттахов белән конфликтка кермәс өчен нәрсә эшләргә кирәк?” – дигәч, Азат: “Контрактны бозмаска кирәк!” – диде. Афәрин, Азат! Рәхмәт алтын сүзләреңә.

Без Азат белән 7 ел буе, Аллага шөкер, бик матур, бер-беребезне аңлап эшләдек. Азатның әти-әнисенә дә моның өчен бик зур рәхмәт!

Контракт тәмамланды, әмма хезмәттәшлек, дуслык дәвам итә. Азат , Гөлсирин белән бүген шул хакта килештек. Рәсми төстә, тиешле документларга кул куеп.

Азатка, Гөлсирингә яңа иҗади уңышлар телим. Ә нәни кызчыгыбыз Сылуны үзебезнең офиста ешрак күрергә өметләнәбез!"