РКБдагы "кызыл зона" кабат ачыла

Пандемия башланганнан бирле, Татарстанда 44859 кеше ковид йоктырган. Коронавирус йоктыру очраклары бер атна эчендә 15 процентка арткан. 

Татарстан сәламәтлек саклау министры урынбасары Владимир Жаворонков әйтүенчә, ремонтка ябылып торган Республика клиника хастаханәсендәге йогышлы авырулар госпитале, ягъни “кызыл зона” 23 гыйнвардан янәдән эшли башлый. “Бүгенге көндәге вәзгыятьне идарә итү мөмкин дәрәҗәдә. Хастаханәләрдә урыннар җитәрлек күләмдә. Шулай да хәл катлауланса, без моңа әзер”, - диде Владимир Жаворонков.