#Кыскача яңалыклар 12 июня 2020, 10:19

Роспотребнадзор базарлар өчен санитар таләпләр эшләде

12 июня 2020, 10:19

Роспотребнадзорда азык-төлек продукциясе сата торган сәүдә объектлары һәм базарларга карата яңа санитар-эпидемиологик таләпләр проектын эшләделәр.

Скопировать ссылку

Кагыйдәләр 2031 елның 1 гыйнварына кадәр гамәлдә булачак. Документ норматив актлар проектлары порталында барлыкка килде.

Яңа чаралар кибетләрдә һәм базарларда азык-төлек сатуга бәйле йогышлы авырулар һәм агулануларның килеп чыгуын һәм таралуын булдырмау өчен кирәк.

Балык кибетләрен торак һәм административ биналарга корылган яки беркетелгән биналарда ачарга ярамый. Кибетләрнең сәүдә залларында тавыш дәрәҗәсе торак биналарга кулланыла торган гигиена таләпләренә туры килергә тиеш. Әгәр продукт идәнгә төшеп китсә, аны сатарга ярамый.

Кулланылган стаканнардан эчемлекләрне яңадан куллану тыела. Контейнерлар, арбалар һәм үз-үзеңә хезмәт күрсәтү кәрзиннәре кулланыла торган сәүдә объектларында бу контейнерларны, тележкаларны һәм кәрзиннәрне эшкәртү һәм саклау өчен тиешле шартлар тудырылырга тиеш.

Ачык базарлардагы сәүдә нокталары өстендә продукцияне явым-төшемнән һәм кояш нурларыннан саклау өчен махсус корылмалар урнаштырырга кирәк булачак. Киоскларда һәм палаткаларда куллар юу өчен раковиналар булырга тиеш, ә стационар булмаган сәүдә объектларында эш урыннарыннан ерак булмаган урыннарда бәдрәф урнаштырылырга тиеш булачак. Моннан тыш, бакча культураларын ваклап сату объектларында кисәкләп сатарга ярамый.

Кызыклы яңалыкларны күзәтеп бару өчен Телеграм-каналга кушылыгыз.