#Кыскача яңалыклар 01 июля 2018, 20:14 Уку өчен 2 минут

Россия чирекфиналга чыкты

01 июля 2018, 20:14

Уку өчен 2 минут

Футбол буенча Россия җыелма командасы Дөнья беренчелегенең 1/8 уеннарында Испания белән очрашты һәм чирекфиналга чыкты.

Скопировать ссылку

“Лужники”да узган уен бик киеренке булды. Матчның 12 нче минутында Испания командасы Сергей Игнашевичның үз капкасына туп кертүе аркасында алга чыккан иде. Уенның беренче өлешендә Россия исәпне тигезли алды – 41 нче минутта Артем Дзюба пенальти типте.
Уенның төп вакытында исәп үзгәрмәде, ике өстәмә вакытта да җиңүче ачыкланмады. Пенальтилар сериясендә Россия көчлерәк булып чыкты – ул көндәшенең капкасына бер тупка артыграк кертә алды.
Чирекфиналда Россия футболчылары очрашасы көндәш Хорватия – Дания уенында ачыкланачак.

Фото: matchtv.ru

Кызыклы яңалыкларны күзәтеп бару өчен Вконтактега кушылыгыз.

#Дөнья Чемпионаты-2018