Россия Герое Алексей Кораблев: “Украинадагы махсус операцияне 2014 елда ук башлыйсы иде”

Россия Герое Алексей Кораблев фикеренчә, Украинада махсус хәрби операцияне инде 2014 елда ук башларга кирәк иде. “Украинаны шуның кадәр корал белән тутырмас өчен, бу операцияне 2014 елда ук башларга кирәк иде инде. 1945 елда бетерелмәгән нацистларны да юк итәргә кирәк. Шуңа да безнең армиябез анда. Армиябез җиңсен һәм мөмкин кадәр югалтулар азрак булсын иде. Бу Россияне һөҗүмнән саклаячак һәм безнең тугандаш Украина халкына ирек бирәчәк”, - ди Алексей Кораблев.

Сүз уңаеннан, Россия Герое исеменә ул Чечняда хезмәт иткәндә лаек булган. 

Билгеле булганча, 24 февраль көнне Владимир Путин карары нигезендә, Украинада махсус хәрби операция башланды.