Россия хөкүмәте яңа ярдәм әзерли. Кемгә?

Беренче вице-премьер Белоусов билгеләп үткәнчә, санкцияләр кертелгәннән соң, беренче өч атна эчендә товарларның бәясе җиде көн эчендә уртача 2 процентка арткан.

Россия хөкүмәте бәяләр артуны компенсацияләү өчен  пенсионерларга, балалы гаиләләргә һәм аз керемле гражданнарга яңа түләүләр кертү өстендә эшли. Бу хакта Федерация Советы каршында чыгыш ясаган беренче вице-премьер Андрей Белоусов белдерде.

Аның сүзләренчә, санкцияләр кертелгәннән соң азык-төлек бәясенең атналык үсеше уртача 2 процент тәшкил иткән. Мондый вәзгыять беренче өч атнада күзәтелде, дип ачыклык кертте Белоусов.

"Кызганычка каршы, чит илдән товар кертү белән беррәттән, товарларга бәяләр үсте, шуның белән шау-шу купты. Россия хөкүмәте әлеге проблема өстендә эшли,- - диде Россия хөкүмәте рәисенең беренче урынбасары. 
Белоусов ассызыклаганча, хәзерге вакытта вәзгыять тотрыклы һәм тулысынча контрольдә тотыла.