Россия Хөкүмәтенең тагын бер түрәсендә коронавирус табылган

Коронавирус Россия Хөкүмәтенең тагын бер вәкилендә теркәлгән. Бу юлы яңа вирус вице-премьер - Россия Президентының Ерак Көнчыгыш федераль округындагы вәкаләтле вәкиле Юрий Трутневта табылган. "Интерфакс" агентлыгы язганча, Трутнев ике тапкыр тест тапшырган, икесе дә уңай нәтиҗә биргән. Хәзер түрә үзизоляция режимында дистанцион форматта эшли.