Россия комбинаты сары төстәге офис кәгазен җитештерә башлаячак

Светогорск целлюлоза-кәгазь комбинаты офис кәгазе өчен чит ил агартучы матдәләренең кытлыгына карамыйча, эшләвен дәвам итте. Бер атна эчендә продукциянең яңа линейкасын эшләтеп җибәрделәр, дип хәбәр итә Ленинград өлкәсе хөкүмәте.

 «Сильвамо Корпорейшн Рус» компаниясе предприятиесе яңа кәгазь продукция - SvetoCopy ECO булдыру турында игълан итте.
"Компания бер атна эчендә продукциянең яңа линейкасын эшләтеп җибәрүгә әзерләнә, ул үз эченә төрле сортларны һәм офисныкы булмаган һәм офсет кәгазе, картон, ХТММ (химик-термомеханик масса) төрләрен үз эченә ала. Хәзерге вакытта бөтен продукция тест һәм лаборатор сынаулар уза, шулай ук кире элемтә алу өчен клиентларга җибәрәбез", - хәбәр итә ТАСС компаниянең матбугат хезмәтенә сылтама белән. 

"Сильвамо Корпорейшн Рус" кәгазьләр җитештерү буенча эре компания кәгазьләрне агарту өчен химикатларның альтернатив чыганакларын эзләүне дәвам итә, дип яза ТАСС.