#Кыскача яңалыклар 19 июля 2022, 14:51

Россиядә бердәм социаль дисконт картасын кертергә тәкъдим иттеләр

19 июля 2022, 14:51

Ул гражданнарның социаль яктан якланмаган категорияләренә товар, дару препаратлары сатып алганда һәм хезмәт күрсәтү өлкәсендә ташламалар алырга мөмкинлек бирәчәк.

Скопировать ссылку

Россиядә гражданнарның социаль яктан якланмаган категорияләре өчен бердәм социаль дисконт картасын кертергә тәкъдим иттеләр, ул товарларга, даруларга һәм хезмәт күрсәтүләргә ташлама алырга мөмкинлек бирәчәк.

«Дәүләт социаль ярдәме турында»гы законга үзгәрешләр кертү турындагы закон проектын бер төркем депутатлар әзерләгән.
Документ авторлары сүзләренә караганда, мондый картаны Россиядә яшәүче аз керемле гаиләләргә һәм аз керемле ялгыз гражданнарга бирү планлаштырыла.
Карта сроксыз булачак һәм Россиянең барлык төбәкләрендә гамәлдә булачак. Аны алу өчен тиешле гариза бирү таләп ителәчәк.

Кызыклы яңалыкларны күзәтеп бару өчен Телеграм-каналга кушылыгыз.