#Кыскача яңалыклар 16 апрель 2017, 06:32

Россиядә грипп эпидемиясе тәмам

16 апрель 2017, 06:32

Әмма, ТАСС хәбәр итүенчә, кайбер шәһәрләрдә аерым яшь категориясендә эпидемия бусагасы саклана.

Скопировать ссылку

Әмма, ТАСС хәбәр итүенчә, кайбер шәһәрләрдә аерым яшь категориясендә эпидемия бусагасы саклана.

Бу мәгълүмат РФ Сәламәтлек саклау министрлыгының фәнни-тикшеренү институтындагы гриппны күзәтү хезмәте хәбәрендә бирелгән.

"Эпидемияне тәмам дип санарга мөмкин. Грипп һәм ОРВИ буенча эпидемия бусагасы арту кайбер шәһәрләрдә дә 3-6 һәм 7-14 яшьлек балалар арасында саклана", - диелә хәбәрдә.

Эпидемия белгечләр көткәннән иртәрәк - ноябрьдә башлана. Авыруның иң көчле чагы гыйнвар ахыры-февраль башына туры килә. Быелгы эпидемия чорында мәктәп каникуллары, 8 март, 23 февраль бәйрәмнәрендә күрсәткечләр кимегән яки арткан. Мондый үзгәрешне белгечләр халыкның ял көннәрендә ярдәм сорамауларына бәйләп аңлата.

3-9 апрель эпидемия сезонының ахыргы атнасы булды. Грипп һәм кискен тын юллары вирус инфекциясе барлык яшь төркемнәрендәге халык арасында 7,6 процентка кимегән.

Татар-информ