#Кыскача яңалыклар 26 апреля 2022, 09:39 Уку өчен 2 минут

Россиядә мәктәпләрдә ике тапкыр бушлай туклану кертергә тәкъдим иттеләр

26 апреля 2022, 09:39

Уку өчен 2 минут

Дәүләт Думасы депутаты Василий Власов мәктәпләрдә уку процессының дәвамлылыгы өч сәгатьтән артык булганда 1-4 сыйныф укучылары өчен ике тапкыр бушлай туклану кертергә тәкъдим итте. Бу хакта RT хәбәр итә.

Скопировать ссылку

Тиешле хатны Власов Хезмәт министрлыгы башлыгы Антон Котяков исеменә юллаган. Билгеләп үтелгәнчә, башлангыч сыйныф укучылары закон буенча көненә кимендә бер тапкыр түләүсез кайнар туклану белән тәэмин ителә.
Әмма көн дәвамында биш дәрес булырга, ә укулар биш сәгатькә кадәр сузылырга мөмкин.

Власов башлангыч сыйныф укучылары өчен мондый шартларда бер тапкыр кайнар туклануның җитәрлек булмавын саный. Аның сүзләренә караганда, 1-4 сыйныф укучылары өчен кайбер мәктәпләрдә, бушлай иртәнге аштан тыш, төшке ашлар да тәкъдим ителә, әмма инде ата-аналар өчен түләү хисабына.
2021 елның июнендә Россия Президенты Владимир Путин Мәгариф министрлыгы башлыгы Сергей Кравцовка укучыларның әти-әниләрен мәктәпләрдә кайнар туклану сыйфатын контрольдә тотуга кертүне йөкләде.

Кызыклы яңалыкларны күзәтеп бару өчен Вконтактега кушылыгыз.