Россиянең бер төбәгендә мәҗбүри вакцинацияләү кертелә

Вакцина кадатырга тиешле гражданнар категориясе киң: бирегә мәгариф, медицина хезмәткәрләре дә, шулай ук дәүләт, муниципаль хезмәттә, хакимият һәм җирле үзидарә органнарында, хезмәт күрсәтү өлкәсендә (сәүдә, җәмәгать транспорты, җәмәгать транспорты, җәмәгать туклануы, халыкны социаль яклау һәм хезмәт күрсәтү, ТКХ, кунакханәләр, көнкүреш хезмәтләре, почта элемтәсе, финанс оешмалары, МФЦ, спорт комплекслары, фитнес-үзәкләр, мунчалар, бассейннар, массаж салоннары, мәдәният учреждениеләре) эшләүче хезмәткәрләр дә керә, дип яза «Коммерсанть».

Өлкәнең баш санитар табибы Анатолий Семенов карары нигезендә, әлеге категориядәге гражданнарга вакцинация үткәрүне контрольдә тоту беренче вице-губернатор Ирина Гехт тәэмин итәргә, өлкә сәламәтлек саклау министрлыгы, муниципалитетлар башлыклары һәм эш бирүчеләр иммунизация оештырырга һәм уздырырга тиеш. Вакцинациянең беренче компонентын 11 ноябрьгә кадәр, икенчесен 11 декабрьгә кадәр кадарга кирәк.