Россиянең иң яхшы доноры Казанда яши

Беренче тапкыр ул 19 яшендә кан тапшырган булган. Россиянең иң яхшы доноры конкурсында Рөстәм абый 102 донациядә барлыгы 46 литрга якын кан тапшырып барысын да шаккатырган. Россиянең төрле төбәкләреннән җыелган 200дән артык кеше арасында беренче урынны алган, дип хәбәр итә Татарстан Сәламәтлек саклау министрлыгының матбугат үзәге. Чарада шулай ук иң күп тапкыр кан тапшыручы, донор династияләре, донор хәрәкәтенең төбәк лидеры номинацияләрендә дә җиңүчеләрне билгеләгәннәр.