Рөстәм Миңнеханов 2018 елда да «матчапури» ризыгы идеясен дәвам итәргә кушты

Рөстәм Миңнеханов ул хакта гаммәви матбугат чараларыннан белеп, башка кафе һәм рестораннарның да 2018 елгы дөнья чемпионатына креатив идеяне хуплауларын тәкъдим иткән. Бу хакта бүген Татарстан Министрлар Кабинетында узган брифингта билгеле булды, дип яза "Татар-информ".

Грузин кафелары челтәре директоры Анастасия Лимарева Казан кунакларының яңа ризык - "матчапури"ның зур популярлык белән куллануларын, аны Конфедерацияләр Кубогы көннәрендә генә әзерләүләрен җиткерде.

"Конфедерацияләр кубогына махсус әзерләнгән ризыкка зур кызыксыну булу күңелле. Әлеге идея безнең шәһәрдә генә түгел, федераль дәрәҗәдә дә хуплау тапты, - дип җиткерде ул. - Конфедерацияләр Кубогы турында сүз чыккач, без данлыклы футболчыларның яраткан ризыкларын әзерләү идеясе турында уйладык. Нәтиҗәдә, хачапурины грузинча үзгәрттек. Анда бер тавык йомыркасы урынына, футбол командасын символлаштырып, 11тәкәрлек йомыркасы салдык. "Футболлы" дип атамакчы идек, грузинча акцент белән. Шунлыктан, "матчапури" - "матч" һәм "икмәк". Фактта - "икмәк һәм күңел ачу" килеп чыкты. Бүген без аны футбол кыры итеп эшләп бетердек, "4-4-2" схемасы буенча уенчылар куйдык".