Рөстәм Миңнеханов бәйрәм намазында катнашты

Вәгазьне Татарстан мөфтие Камил хәзрәт Сәмигуллин сөйләде. Шуннан соң мөфти Россия Президенты Владимир Путин белән Татарстан Республикасы Президенты Рөстәм Миңнехановның бәйрәм тәбрикләвен укыды.

Мөфти вәгазен тыңлагач мөселманнар бергәләшеп гает намазын укыды.

Мәчеттә шулай ук Президент Аппараты җитәкчесе Әсгать Сафаров, Министрлар кабинеты аппараты җитәкчесе Шамил Гафаров, республиканың мәдәният министры Айрат Сибагатуллин да бар иде.