#Кыскача яңалыклар 10 октябрь 2019, 11:12

Рөстәм Миңнеханов янә «Россия лидерлары» бөтенроссия конкурсының остазы булачак

10 октябрь 2019, 11:12

Татарстан Президенты Рөстәм Миңнеханов «Россия лидерлары» бөтенроссия идарәчеләр конкурсының яңа сезонында катнашачак. Республика җитәкчесе яшь идарәчеләрнең остазы ролендә чыгыш ясаячак. Бу хакта конкурс сайтында хәбәр ителә.

Скопировать ссылку

Рөстәм Миңнеханов янә «Россия лидерлары» бөтенроссия конкурсының остазы булачак

Казан Кремленең рәсми вәкиле Лилия Галимова сүзләренчә, конкурс кысаларында Татарстан Президенты халыкның яшәү сыйфатын күтәрү мәсьәләләрен хәл итү барышында идарә итү буенча тупланган тәҗрибәсе белән уртаклашырга планлаштыра.

«Рөстәм Нургалиевич бу проектта беренче ел гына катнашмый. Ул һәрвакыт ныклы кадрлар потенциалын формалаштыру мәсьәләләренә җитди игътибар бирә. Татарстан Президенты остаз сыйфатында катнашучыларга республиканың уңай тәҗрибәсен трансляцияли, шулай ук аларның эшлекле, коммуникатив сыйфатларын бәяли», – диде агентлыкның әңгәмәдәше.

Татар-информ

Кызыклы яңалыкларны күзәтеп бару өчен Т елеграмга кушылыгыз.