Самара янында юл һәлакәтенә очрап, тулы бер гаилә үлгән

Бүген, иртән, Самараның Красноярск районында М-5 трассасының 1062 нче чакрымында коточкыч юл һәлакәте булган. Hyundai Solaris автомобиле йөк машинасы астына кергән. Җиңел машинада әти-әнисе белән 13 яшьлек кызлары да була. Алар барысы да ашыгыч ярдәм килгәнче вафат булган. Йөк машинасын йөртүченең хәле турында әлегә билгесез, дип яза kp.ru. Билгеле булганча, әлеге гаилә башка төбәктән булган. Полиция хезмәткәрләре юл фаҗигасенең сәбәпләрен ачыклый.