“Сайлау участокларында хокук бозулар ачыкланмады, әмма алар булачак”

Сайлау участокларында хәзерге вакытта хокук бозу очраклары теркәлмәгән. “Справедливая Россия — Патриоты — За правду” партиясенең төбәк бүлеге Советы рәисе, ТР Дәүләт Советы депутаты Әлмир Михеев шулай дип белдерде.

“Алар булачагына мин ышанам. Алдагы сайлау кампанияләрендәге тәҗрибәмнән чыгып әйтәм. Җитди хокук бозулармы-юкмы икәнен әйтә алмыйм”, - диде ул “Бердәм мәгълүмат үзәге”ндә үткәрелгән матбугат очрашуында.

Билгеле булганча, 17-19 сентябрь көнне Россиядә Дәүләт Думасына депутатлар сайлау уздырыла. Бүгеннән Татарстанда 2,8 меңнән артык сайлау участоклары эшли.