Сайлауга килүчеләргә бүләк бирәләр

Казанның 363, 364 нче сайлау бүлекләрендә килгән кешегә битлек, ручка, салфетка, перчатка бирәләр. Шулай ук 13 сентябрьдә булачак концертка керү өчен беләзек тә тапшыралар. Аның белән якшәмбе көнне җәмәгать транспортында бушлай йөреп булачак.

"Кызганыч, сайлаулар уза торган өч көндә дә трансортта бушлай йөреп булмый", - диде сайлауга килүчеләрнең берсе. Пандемия шартларында сайлау участокларында барлык саклану чаралары да үтәлә: температураны үлчиләр, антисептиклар куелган.  Ә беренче тапкыр сайлаучыларга бүләкләр каралган. 18 яше тулганнарга истәлекле магнит һәм үлчи торган рулетка-брелок бүләк итәләр.