#Кыскача яңалыклар 07 октябрь 2020, 20:04

«ШАЯН ТВ» финалда!

07 октябрь 2020, 20:04

5 октябрь көнне Мәскәү шәһәренең Et Cetera театры бинасында «ТЭФИ-KIDS 2020» телевизион милли премиясе җиңүчеләрен бүләкләү тантанасы узды! «ШАЯН ТВ» каналының вәкилләре дә әлеге бәйрәмдә булып кайтты!

Скопировать ссылку

Кызыл келәмнән хезмәттәшебез Гөлназ Газизҗанова үтте! Ул бәйгенең 30 финалистлары исемлегенә керде һәм кичәге тантанада каналыбызның данын яклады!

Әйтергә кирәк, бәйге кысаларында көндәшлек бик көчле булды! Гөлназ Газизҗанова режиссерлыгындагы «Бергәләп өйрәник» проекты «СТС-kids» каналының «Развлечеба» һәм «Nickelodeon»ның «Всеология» тапшырулары белән көч сынашты.

Шуңа да карамастан, «ШАЯН ТВ» каналы сынатмады! Үз эшен бик югары дәрәҗәдә күрсәтте. Бөтендөньяга танылган, тәҗрибәле, зур тарихлы каналлар белән көч сынашу, әле 2 яшен генә тутырган каналыбыз өчен зур җинү.

Без сәләтле коллегаларыбыз белән горурланабыз!

Кызыклы яңалыкларны күзәтеп бару өчен Т елеграмга кушылыгыз.

‹ ›