Шикле адәм эзләүдә булган

Росгвардиянең Ведомстводан тыш сак экипажына Җиңү проспектында урнашкан гипермаркеттан «тревога» сигналы килеп ирешә. Сигнализация эш иткән урынга килеп җиткән росгвардия хезмәткәрләре кибеттән түләми генә кыйм­мәтле кием-салым алып чыгып китүче турында мәгъ­лүмат ала. Бу ирне кибетчеләр күреп туктатып караганнар – килеп чыкмагач, тревога төймәсенә басып, патруль чакыртканнар.
Шикле кешене тоткарлыйлар. Ул элек хөкемгә тартылган 30 яшьлек Казан кешесе булып чыга бу. Элек кылган ­җинаять өчен федераль эзләнүдә булуы да ачыклана. Эзләнү инициаторына тапшыру өчен полиция бүлегенә озаталар үзен.