Синоптиклар юлларда бозлавык турында кисәтә

Татарстан Гидрометеорология һәм әйләнә-тирә мохитне күзәтү идарәсе мәгълүматларына караганда, алдагы өч көндә көндезге һава температурасы -4..+1 градус булачак. Шул сәбәпле юлларда көчле бозлавык хасил булу ихтимал.

Иртәгә 3 гыйнварда Татарстанда алмашынучан болытлы һава торышы хакимлек итәчәк, кар, көндез җепшек кар көтелә. Төнлә һава температурасы -6..-11, аязган вакытта -16 градуска җитә. Көндез исә җылыта – -4..+1 булачак.

Республиканың Гадәттән тыш хәлләр министрлыгы юлларда көчле бозлавык сәбәпле юлларда сак һәм игътибарлы булырга, мөминлек булганда ерак юлларга сәфәр чыкмаска чакыра.