Үсмер мәктәпкә пистолет алып килеп, укучыларга аткан

Шимбә көнне Санкт-Петербург шәһәрендәге мәктәпләрнең берсендә үсмер егет пневматик пистолеттан атыш оештырган.

Полиция хезмәткәрләренә билгеле булганча, 2005 елгы үсмер чишенү бүлмәсендә укучыларга берничә тапкыр аткан.

Пистолетны аның кулыннан укытучы тартып алган, егет исә үзе вакыйга урыныннан качкан, дип яза "ТАСС". Зыян күрүчеләр булмавы мәгълүм.

Полиция бүлекчәсенә егетне соңрак әнисе алып килгән.