Табиблар ялгышымы...тикшерү күрсәтер

Татарстанда прокурор тикшерүе нәтиҗәсендә, саксызлык аркасында кеше үлеменә китергән ваемсызлык маддәсе буенча җинаять эше кузгатылган. Моңарчы 72 яшьлек инвалидның хатыны социаль челтәрләрдә ирен дәвалау буенча килеп туган катлаулыклар һәм аны башка хастаханәгә күчерү мөмкинлеге булмау турында хәбәр иткән иде, диелә ТР прокуратурасы хәбәрендә. Нәтиҗәдә, ир-ат Яр Чаллының йогышлы хастаханәсендә 1 июньдә вафат була.

Тикшерү барышында медицина учреждениесенең пациентка ярдәм күрсәтү буенча закон бозуы ачыкланган. Барлык җыелган материаллар гаепле вазыйфаи затларны җинаять эзәрлекләве турындагы таләп белән тикшерү органнарына җибәрелде, дип ачыкладылар күзәтчелек ведомствосында. Пенсионерның үпкә артериясе һәм шикәр диабеты тромбоэмболиясе аркасында үлүе ачыкланган. Әгәр табиблар үз вазыйфаларын тиешенчә башкарсалар, аны коткарып калып була иде, диелә прокуратураның тикшерү материалында. 

Биредә тулы клиник тикшерү үткәрелмәгән, авыруны дәвалау ысулы дөрес сайланмаган, шулай ук клиник-инструменталь тикшеренүләр дөрес кулланылмаган.

Фото: http://pixabay.com