Тагын 14 кеше ковид белән хастаханәгә эләккән

Бер кеше чирне республикадан читтә, калганнары авыру кеше белән аралашканда йоктырган.

«14 кеше хастаханәгә салынган, 17 кеше өйдә дәвалана», диелә Татарстан Сәламәтлек саклау министрлыгының матбугат хезмәте хәбәрендә.

Авыручыларны күбесе Казанда теркәлгән, анда 14 кеше ковид йоктырган. Чаллыда биш, Лаеш, Лениногорск һәм Тукай районнарында икешәр очрак, ә Әгерҗе, Актаныш, Арча, Баулы, Алабуга һәм Питрәч районнарында берәр очрак теркәлгән.

Шулай итеп, пандемия вакытында төбәктә «коронавирус инфекциясе» диагнозы 22 131 тапкыр куелган. Татарстанда 19 642 кеше коронавирустан терелгән.

Бүгенге көндә Татарстанда барлыгы 457 681 кеше коронавирустан вакцинация узган. Республикада яшәүче 345 182 кеше вакцинаның икенче дозасын ясаткан.

Чыганак: "Татар-информ"