Тагын дүрт кеше ковидтан үлгән

Татарстанда яшәүче дүрт кеше коронавирус корбаны булды. Бу хакта республика сәламәтлек саклау министрлыгының матбугат хезмәте хәбәр итә.

"Татарстанда коронавируслы инфекциядән үлүнең дүрт яңа очрагы теркәлгән", - дип билгеләп үттеләр министрлыкта.

Ковидтан 1946, 1951 һәм 1954 елларда туган өч ир-ат, шулай ук 1959 елгы хатын-кыз вафат булган.

Мәрхүмнәрнең үлем сәбәпләре патологоанатомик экспертиза нәтиҗәсендә ачыкланган һәм вирус идентификацияләнгән, дип аңлаттылар министрлыкта.

Шулай итеп, 7 гыйнварга булган мәгълүматларга караганда, Татарстанда Covid-19 коронавирусыннан 205 үлем очрагы расланган.