"Танечкам хәзер юк инде...": танылган җырчының хатыны коронавирустан үлгән

Бу турыда шоумен социаль челтәрдә үзе хәбәр иткән дип яза "Российская газета". "Миңа моны язу бик авыр, моңа ышанасым килми, әмма минем Танечкам хәзер юк инде. Мин сине гомерем буе яратачакмын һәм исемнән чыгармаячакмын" дип язган ул. Татьяна Клаудиа Дэвис коронавирусны үз туенда йоктырган дигән шик бар. Туй 31 июльдә Лас-Вегаста үткән. 3 августта тесты уңай булган, тик хастаханәгә ятмаган. Август аенда аңа барыбер хастаханәгә керергә туры килә. Аны  ясалма комага кертәләр, шуннан ул чыга алмый.