#Кыскача яңалыклар 12 сентября 2018, 12:59

Татар эстрадасы йолдызлары вокзалда җырлаячак

12 сентября 2018, 12:59

Шәһәр яны вокзалының Казан1 станциясе мәйданында “Пассажир көне” акциясе кысаларында татар эстрадасы йолдызлары концерты узачак.

Скопировать ссылку

Бу хакта “Содружество” пассажирлар компаниясе хәбәренә сылтама белән Татар-информ хәбәр итә.

Артистлар беренче тапкыр вокзалда мондый акциядә катнаша. Чара 13 сентябрьдә 13.30 сәгатьтә башлана. Тамашачылар Татарстанның танылган артистлары Айдар Габдинов, Алинә Шәрипҗанова, “Зөләйлә” төркеме, халыкара конкурслар лауреаты Ясмин, “Казан” бию ансамбле һ.б. чыгышларын карый алачак.

Акция вакытында шәһәр яны тимер юл комплексы эше турында сораулар бирергә һәм тәкъдим-фикерләр язып калдырырга мөмкин. Керү ирекле.

Пассажир көне 11.00-12.00 сәгатьләрдә - Алатырь станциясендә , 15.00-16.00 сәгатьләрдә - Васильево станциясендә, 10.00 -11.00 сәгатьләрдә - Кизнер станциясендә, 08.00 - 09.00 сәгатьләрдә Сарапул станциясендә узачак.