Татар теле белән гарәп әлифбасын бушка өйрәтәләр

Курсларның кураторы Ринат Музаферов «ШК»га сөйләгәнчә, курслар өч ай дәвамында булачак, дәресләр атнаның сишәмбе, пәнҗешәмбе һәм шимбә көннәрендә кичке сәгать алтыда башланачак.

- Теләгән кеше курсларынң бөтенесенә дә яки сайлап кына да йөри алачак. Дәресләр ике сәгатьләп барыр дип уйлыйбыз. Курслар соңында сертификатлар биреләчәк. Татар телен КФУ укытучылары һәм шәкертләре, исла нигезләрен, гарәп әлифбасын РИУ мөгаллимнәре укытачак. Белем үзләштерергә теләүчеләрнең барысын да кабул итәбез, яшь һәм дин, милләт буенча чикләүләр юк. Инде иллеләп кешедән шалтырату кабул иттек. Курсларны бишенче ел рәттән уздырабыз. Һәр елны йөзәр кешене укытып чыгарабыз. Араларында руслар да, үзбәк, таҗиклар да булды, хәтта Италия кешесе дә укыды. Димәк, без татарлар да алардан үрнәк алып, үз телебезне үзләштерергә, тарихыбызны белергә тиешбез. Курсларны тәмамлаучылар татар телен генә өйрәнеп калмыйча, изге Коръән китабын гарәп телендә укый алачаклар.