“Татарча диктант”ның текстлары үзгәртелгән

Алдан хәбәр ителгәнчә, Россиянең 60 лап төбәге һәм дөньяның 20дән артык илендә әлеге вакыйгага кушылырга теләк белдергән.

Казан федераль университеты галимнәре тәкъдиме белән Татарстан, Башкортстан һәм Россия төбәкләре өчен өч әсәр билгеләнде.

Татарстанда Роберт Миңнуллинның “Мин кулыма китап алам” әсәреннән өзек укылачак. Гәрчә, алдан Фәүзия Бәйрәмованың “Болын” әсәре сайланган булса да.

Башкортстанда Мостай Кәримнең 100 еллыгы билгеләп үтелү уңаеннан “Озын-озак балачак” әсәренән өзек тәкъдим ителә.

Россия төбәкләре һәм чит илләрдә яшәүче милләттәшләребез Газиз Мөхәммәтшинның "Саумысыз, аккошлар" повестеннән өзек язачак.