Татарстан белән Иранны нәрсә бәйли?

Илсур Метшин сүзләренчә, Татарстан белән Иранны шәһәр сәясәте һәм мәдәниятенә кагылышлы күпьеллык дустанә мөнәсәбәтләр бәйли.

- Республикада Иран консуллыгы ун ел элек ачылды. Шушы вакыт эчендә без төрле уртак заманча проектлар башкардык, - диде ул.

Очрашуда Татарстан белән Иранның мәдәният, сәнәгать, туризм, мәгариф өлкәләрендә булган үзара хезмәттәшлеге турында да сөйләшенде.

Али Беман Эгбали Зарч сүзләренчә, Иранның Мешхед шәһәре 2017 елда төрки дөньяның мәдәни башкаласы буларак билгеләнгән. Ул Илсур Метшинны апрельдә узачак ислам илләре мэрлары форумына чакырды. Иран иле вәкилләре илнең берәр шәһәрендә Казан көннәрен үткәрергә тәкъдим итте.